නිර්මාතෘවරු

දිය බුබුල ගම්මානයට පන්සල ආශිර්වාදයක් වීමෙන් 1911 දී ජනිත වන බිබිලේගම විදුහල පන්සලේ බණ මඩුවෙන් ආරම්භ වී රජයේ ගොඩනැගිල්ලක් කරා විකාශනය වන්නේ මෙහි නිර්මාතෘ පුරෝගාමි යතිවරයාණන් වු අති ගෞරවනීය ලියන්ගහවෙල සිරි ගුණරතන හිමිපාණන්ගේ නොමද උත්සහයකි.

එහි ප්‍රථම විදුහල්පතිවරයා වූයේ රත්නායක නම් මහතෙකු බව කට වහරින් ප්‍රකට වී ඇත. 1935 වන විට ශිෂ්‍ය සංඛ්‍යාව 118ක් වූ අතර ඉඩකඩ සීමාවීමෙන් වරු දෙකේ පාසලක් බවට පත්විය. මේ නිසා 1956.06.05 දින පන්සලේ බණමඩුවේ සිට වර්තමාන පාසල පැවැත්වෙන ස්ථානයේ නවමු ගොඩනැගිල්ලකට ගෙන එනු ලබන අතර එවකට අධ්‍යාපන ඇමතිව සිටි ඩබ්.දහනායක මැතිතුමා අතින් විවෘත විය.

1960 දී අමරානන්ද රත්නායක මහතාගේ ප්‍රධානත්වයෙන් මෙය මහා විද්‍යාලයක් බවටත් 1970 දී එය උසස් පෙළ දක්වාත් පුළුල් විය. මනා ලෙස දස්කම් වලින් හෙබි සිසු කැළක් දායාද කිරීම හේතුවෙන් 1999 දී එය D.C.D. ව්‍යාපෘතිය යටතේ නවෝද්‍යා පාසලක් බවට පත් විය.

අද වන විට දිවයිනේ පරිපූර්ණ විද්‍යාලයක් ලෙස විරාජමාන වන මෙම විදුහල් මාතාවට ගම්වාසීන්ගේ ආදි ශිෂ්‍යන්ගේන් පාසලට සුභ පතන්නන්ගෙන් හා අධ්‍යාපන ක්ෂේත්‍රයේ නිළදාරීන්ගෙන් ලැබෙන ආශිර්වාදයන් පරිත්‍යාගයන් අපමනය.

මේ වන විට දෙස්  විදෙස්  කීර්තියට පාත්‍ර වූ වෛද්‍යවරුන්, ඉන්ජිනේරුවන්, වාස්තු විද්‍යාඥයන්, ගණකාධිකාරින්, නීතිවේදීන්, අධ්‍යාපනවේදීන්, සංගීතඥයින් ලොවට දායාද කල මෙම විදුහල් මතාව සදාකල් දිනේවා !